Wildberries-ի նոր լոգիստիկ կենտրոնը՝ հայ վաճառողների համար արտահանման կետ

Հայաստանի շուկան ունի էլեկտրոնային առևտրի հետագա զարգացման զգալի ներուժ՝ ինչպես ներքին պահանջարկի, այնպես էլ արտահանման տեսանկյունից։ Արտաքին շուկաներում հայկական ապրանքների վաճառքի աճին զուգահեռ զարգանում է նաև տեղական ենթակառուցվածքը, որը ձեռնարկատերերին հնարավորություն է տալիս ընդլայնել բիզնեսը և հասնել նոր գնորդների։

Այս ենթակառուցվածքի առանցքային տարրերից է Երևանի Wildberries-ի լոգիստիկ կենտրոնը։ Դրա ընդհանուր մակերեսը կազմում է շուրջ 23 հազար քառ. մետր, իսկ հզորությունը թույլ է տալիս օրական մշակել մինչև 500 հազար ապրանք։ Կենտրոնն ապահովում է ապրանքների պահեստավորումն ու մշակումը և Wildberries-ի միասնական լոգիստիկ ցանցի մի մասն է, որը վաճառողներին կապում է տարբեր շուկաների գնորդների հետ։

«Մեզ համար կարևոր է, որպեսզի հայ ձեռնարկատերը կարողանա Wildberries-ի հնարավորություններն օգտագործել ոչ միայն երկրի ներսում վաճառքների զարգացման, այլև երկրի սահմաններից դուրս իր բիզնեսը ընդլայնելու համար։ Մենք զգալի ներուժ ենք տեսնում հայկական արտադրողների և վաճառողների շրջանում և հետևողականորեն զարգացնում ենք այն ենթակառուցվածքը, որը նրանց հնարավորություն է տալիս աշխատել պատվերների աճող ծավալների հետ և մուտք գործել նոր շուկաներ։ Տեղական լոգիստիկ կենտրոնն այս գործընթացում կարևոր դեր է խաղում, քանի որ հնարավորություն է տալիս ավելի արդյունավետ կազմակերպել ապրանքի շարժը վաճառողից մինչև գնորդ», — նշում է Հայաստանում Wildberries-ի տարածաշրջանային տնօրեն Դավիթ Միրզոյանը։

Wildberries-ի ամբողջ լոգիստիկ ցանցը ստեղծվել է վաճառողների համար գործընթացները հնարավորինս պարզեցնելու և մատակարարման շղթայի տարբեր փուլերի միջև ապրանքների տեղաշարժն ավելի արդյունավետ դարձնելու նպատակով։ Հայաստանում տեղական ենթակառուցվածքի զարգացումը հնարավորություն է տալիս այս հնարավորություններն օգտագործել ինչպես ներքին շուկայի, այնպես էլ արտահանման վաճառքների համար։

Վերջին ամսվա ցուցանիշների համեմատությունը նախորդ ամսվա հետ ցույց է տալիս արտաքին շուկաներում հայկական ապրանքների առանձին կատեգորիաների նկատմամբ հետաքրքրության նկատելի աճ։ Wildberries-ի վերլուծական տվյալների համաձայն՝ այդ ժամանակահատվածում արտահանման վաճառքների ամենամեծ աճը գրանցվել է կորպուսային և պահեստավորման կահույքի կատեգորիայում, որտեղ ցուցանիշն աճել է 782%-ով։ Անհատական ատվերով պատրաստվող կահույքի վաճառքն աճել է 644%-ով, գրասենյակային տեխնիկայինը՝ 220%-ով, անասնաբուժական ապրանքներինը՝ 209%-ով։ Զգալի աճ են գրանցել նաև երեխաների պարագաները, որոնց վաճառքն ավելացել է 202%-ով, երեխաների հագուստը՝ 161%-ով, ընդհանուր հագուստի կատեգորիան՝ 107%-ով, գրենական պիտույքները՝ 91%-ով, իսկ խաղալիքները՝ 41%-ով։

Առանձին նկատելի է «Արտադրված է Հայաստանում» նշումով ապրանքների վաճառքի դինամիկան։ Վերջին ամսվա ընթացքում՝ նախորդ ամսվա համեմատ, սենյակային կահույքի վաճառքն աճել է 292%-ով, փոքրիկների պարագաներինը՝ 249%-ով, հատուկ հագուստի և անհատական պաշտպանության միջոցներինը՝ 248%-ով, համակարգչային ծայրամասային սարքավորումներին և աքսեսուարներինը՝ 246%-ով, իսկ իրերի պահպանման համար նախատեսված ապրանքներինը՝ 203%-ով։

Դրական դինամիկա է նկատվում նաև առանձին ապրանքների շրջանում։ Տղաների, աղջիկների և դեռահասների համար նախատեսված մանկական շապիկների վաճառքն աճել է 110%-ով, աղջիկների սպորտային լեգինսներինը՝ 208%-ով, թթվածնային սպիտակեցնող և բծահանող միջոցներինը՝ 36%-ով։ Փաթեթավորված հայկական աղացած սուրճի վաճառքն աճել է 26%-ով։

«Այս դինամիկան ցույց է տալիս, որ հայկական ապրանքների ներուժը չի սահմանափակվում միայն ավանդական առանձին կատեգորիաներով։ Արտաքին շուկաներում պահանջարկ ունեն կահույքը, տան համար նախատեսված ապրանքները, մանկական ապրանքները, հագուստը, մասնագիտացված արտադրանքը և այլ կատեգորիաներ։ Մեզ համար կարևոր է շարունակել ստեղծել պայմաններ, որոնց դեպքում այս ներուժը կարող է վերածվել իրական վաճառքների և տեղական բիզնեսի երկարաժամկետ զարգացման», — հավելում է Դավիթ Միրզոյանը։

Լոգիստիկ ենթակառուցվածքի զարգացումը գործոններից մեկն է, որը հայ ձեռնարկատերերին հնարավորություն է տալիս ընդլայնել վաճառքի աշխարհագրությունը։ Որքան արդյունավետ են կազմակերպված ապրանքների պահեստավորումը, մշակումը և հետագա տեղափոխումը, այնքան ավելի մեծ հնարավորություններ են ստանում վաճառողները՝ ընդլայնելու տեսականին և աշխատելու ներքին շուկայի սահմաններից դուրս գտնվող գնորդների հետ։

Wildberries-ի համար հայկական ուղղության զարգացումը ենթադրում է հնարավորությունների հետագա ընդլայնում ինչպես երկրի ներսում գնորդների, այնպես էլ տեղական ձեռնարկատերերի համար, որոնք հարթակը դիտարկում են որպես նոր շուկաներ մուտք գործելու գործիք։ Տեղական լոգիստիկ ենթակառուցվածքն այս գործընթացում դառնում է կապող օղակ հայկական բիզնեսի և երկրի սահմաններից դուրս նրա ապրանքների նկատմամբ աճող պահանջարկի միջև։